يمـه وين أبــوي

من طرف بسمة الجمعة يوليو 03, 2009 6:04 am

قصيدة اعجبتني للشاعر
عبدالكريم المهنا

يُمـــه...
وين أبوي...؟!
قلتي بيجيء بُكـــرة...
وقلتي بيجيء بُكـــرة...!
متى يجيء بُكـــرة...؟!
أنا أعـــرف الصبح يصير هو بُكـــره...!
وكل يوم يجينا الصبح
بس مايجي بُكـــرة...!
الله يايُمه...ياكـــرهي لبُكـــرة...!
صبري قضى يُمـــه
معاد فيني حيل

¸.

يُمـــه...
من يوم ذاك الصوت القوي...
اللي يهـــز البيت وأبوي ماشفته
صوت أيش يايُمـــه...؟!
سمعت معه صـــراخ...
وصوت إسعـــاف...
وحكـــي وبكاء...!
وأنتي تقولين إدخلي في غُـــرفتك...
ودخلت أنا في غُـــرفتي...
وجلست بالحالي...إلين جاء بُكرة...
وأبوي ماشفته...
سهرانه طول الليل

¸.

يُمـــه...
سمعت من سلمى تقول...
إن أبوها قال....نورة يتيمة..
طبعاً ضحكت وقلت...
ماني يتيمة...
أُمي معي بالبيت...وأبوي...
يبي يجي بُكرة
بس القهر يُمـــه من سالفة بُكره...!
مدري متى بُكرة...؟!
ياويلي يايُمـــه...!
ياويلي منه ويل.

¸.

يُمـــه...
أحس بدمعة عيوني أقبلت...
والعادة يمسحها أبوي...!
هالمـــرة خليها تسيل...
أدري بها دمعة يتيم...
وأدري بعد إني يتيمة...!
تكفين يايُمه...
خليها هالمرة تسيل.

من طرف ممدوح الجمعة يوليو 03, 2009 12:58 pm

ااااااااااااااااااااااااااااالله روعه

الله يحفظ والدينك ويرحم والديني انشهد مافي مثلهم بالكون

يمـه وين أبــوي

يمـه وين أبــوي

رد: يمـه وين أبــوي