نهاية المشوار للبخيتي

من طرف بسمة الجمعة يوليو 03, 2009 5:43 am

بسم الله الرحمن الرحيم
السلام عليكم ورحمة الله وبركاته
اود ان القي بين يديكم هذه القصيد الرائعة
من كلمات الشاعر/عبدالله بن صالح البخيتي
واتمنى ان تنال اعجابكم

ســافـر مع الي بالهوى صنته وخانك
.........................واضحك على نفسك وقول انك هويت
غرك بمــاله ومظـهره واختل مـيزانك
.......................نسيت حبي وحبك وفي وهمه سريت
لاصار قلبك مايميز وريدك وشـريانــك
......................ويـــش ارتجــي منـك دام انــك نسـيت
نسيت الـذي شيد بحبه كــل بنيانــك
.....................نسيت من اسس لك اسـاسك وارتكـيت
ترى مسهل من افراقك غير نسيانك
......................واســـهل من الســـهل كــانـك مادريت
يـــاما سهرت الـــيالي على شـانــك
.....................ويــــاما تجــرعت الضــما منك ومشـيت
كنت اشوفك دنيتي واصون من صانك
.....................وكـــنت اشـــوفك نجــم لاكــنك طفـيت
خلاص روح بعيش عمري بلا أحــزانك
...................ماعــدت محتاج لـــك وانــــا منــك ملـيت
ملــو هلك مــنك وملـــو منك جيرانك
..................حتى روحـــك تمـلك وانت بعدك ما وعيت
كنت اجيلك واشتكي ضلمك وهجرانك
...................وتصد عني وتمـــشي وكـني ماشكــيت
كنت اقاسمك الفرح واحزن مع احزانك
...................وانته لامــعي تحــزن ولابفــرحي سليت
كنت احسب ان اشـــجاني اشـــجانك
..................وكنت احسب انــي فــي عــروقك جريت
والحقيقه طحت فـي شــرك وعـدوانك
.......................وذقــت مـــن مــر اسـك واكـــــــتويت
وماحفظت مــن العـناوين غــير عنوانك
.......................واليـــــوم بنسى طــريقك مـا حــــييت
وســافر مــع الي بالـهوى صنته وخانك
...................واضحك على نفسك وقــــول انـتك هويت